Kawi ka manyung da dooh noh ko yei mynsien ki neidaw wa kwah iPhone u khon iwa da jia ha Chhatrapati Sambhajinagar, Maharastra hadien wa haap u pa wa u khon bood won sei noh ka bei najrong uwi u loom.
Ya kiwa yap da tip kam u Murlidhar Chandgude (48), ka kurim u ka Sangita wa u khon ki u Kunal (18) snem kiwa sah ha Zalta Phata.
Ini da jia i ha ka 21 tarik ha u loom wa em ha ka thaaiñ Tisgaon iwa dang haap hapoh ka Waluj MIDC Police Station.
Katkam ka khubor wa da mih, u Kunal da thied u ya ka iPhone da ka EMI tangwa da chem chitom ka bei u pa u wow su wei ha katai ka step hadien wa mih i yamai ha yung, da mih u wow lai cha uni u loom wa em i synrang.
Ki pulit da ong ki wa u Kunal da kwah u ya kawi ka iPhone tangwa chem chitom ka yung wow su ya ka kisti (EMI) iwa da pynman ya oo wow yañia wa u pa u.
Hadien ini, u Murlidhar wa ka Sangita da bood ki ya u khon ki cha uni u loom yow khut oo wow liwan cha yung heiwa da wan ki pulit wa ka Fire Brigade wow pyrchang u khang ya oo wow noh u najrong.
I Video wa da mih da yoo ya u Kunal wa yieñ u ha kyndian loom wei da em boon ki bru chajan wa kyrpaad ya oo wei ini i da neh i kamwa le kynta.
Ki bru da kyrpaad ki ya u Kunal wow pyrkhat u ya ka bei u tangwa da jubab u wa hap u wow yap.
Da em leh uwi u waheh uwa da kular wow pynyoh ya u Kunal da ka iPhone 15 deiwa kyntu leh ya oo wow pyrkhat u ya ka mynried u.
Heipor kamwa 1:00 waje, u pa u Kunal da wan u chajan u yow taan oo tangwa ymtip de kammon jia lada tlær næ taan u Kunal ya u pa u, tangwa da haap ki chapoh synrang.
Mar yoo yeini ka bei leh noh ko najrong uni hi u loom wei kini ki le ngut da yap noh ki hajooh ha tre ini i synrang u loom.
Discussion about this post