Ka seiñ Khooid Ya Ka Wah Myntdu da pyntip ko wa wot hadien wa ini wadep da ujor ko ha u DC pyrchah ya kiwa wan sait tiar ha ka Myntdu ha i bynta ka Treiongriang.
Ynne won ha kani ka jooh ka thaw da em 6 tylli ki kari wa ar tylli ki Scooty kiwa da wan wow sait kari deiwa pynhiar hapoh ka wah wot.
Neiliang u President ka seiñ, u Khroo L Pariat da ong u wa ini toh iwa jia bait kamni kut ka sngi Sunday wei boon ki jakhlia wa mih na ki kari nadooh ki phñiang wa boon jait kiwa kai cha ka um wei cha wah kani ka thaw toh wa em ka Dam Mupiah kawa man ka thaw taan um ka PHE kawa saam won cha ki yung ki sem la chnong Jowai.
Da ong u leh wa kam ka seiñ dadep ko wow booh boon ki ujor ha u DC neibhah ini waroh ktah ko wot ya ki pynthor wa ki dakha kiwa im na ka Myntdu.
Da kyntu leh ya ki tre chnong wa chkæh um na ka Myntu wow khang u pyndooh ki ya kini kiwa leh dusmon ya ka um kawa pynim ya waroh.
Discussion about this post