Yaleh ka JSU da ka PIL ha High Court pyrchah ya ka Public Hearing ka Shree Cement

Ka Jaintia Students’ Union (JSU), hei yahkhmat u Education Secretary, u Bocheru Mi Pohsnem wa u General Secretary, u Neilkee Mukhim, ynne da lai yaleh ki da ka mukotduma Public Interest Litigation (PIL) hakhmat ka Meghalaya High Court yow yakhun pyrchah ya ka Public Hearing ka Shree Cement kawa da pynman ha ka 31 tarik u July, 2026 ha Lum Syrman, Elaka Nongkhlieh.

Yeini da leh hadien wa dadep phah ki kot ki sla cha ka sorkar deilang ki FIR ha ki pulit tangwa ym em yoo iyi iyi wa da leh ki yow pynbait yeini i kaam.

Ka seiñ dadep ko leh wow booh ka ujor ha ka MHRC wa ka NGT wei da yang iyi wow mih na kini.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Ha kani ka PIL da ong wa ya ka Public Hearing da pynman khlem da bood kyndon heiwa da kut ko du hadien 46 minit najrong wa em leh i thombor wei chah pynmynsoo heiwa uwa yah ya ka Ambulance ka JSU da toh u na khlieh da ki moo wa siat ki bru da ki watur.

Ki pulit leh ym em leh ki yei kaam ki wei da pyntlot ki leh ya ki FIR deiwa booh da ki kyndon wa suk u yoh jamin yow leh kiwa emkti u chah pynchitom.