I chlai um ha Nepal iwa da jia ha ka 26 tarik uni u bnai ha khappood Nepal-Tibet da wanrah i yei yap ki 165 ngut wei palat 1,000 ngut wa wiar heiwa ka um da kit ko ya ki chnong, ki kari, ki sarok, ki yingkieñ wa kiwi de.
Ka Nepal da pyntip ko wa da yap 162 ngut, katwa 3 ngut won wa yap ha Tibet hadien wa oor u thah ha ka wah Bhote Koshi wa Trishuli.
Ka National Disaster Risk Reduction and Management Authority ka Nepal da ong ko wa i oor thah na ki loom da jia i kamwa 20 Km na Rasuwagadhi iwa da kah ya ka wah Lhende wei i khyndaw wa ki moo da poi ki cha ka wah Trishuli lyngba ka wah Timure.
Katkam ka US Geological Survey da ong ko wa em u khmi wa khlanbor 4.4 uwa pynman yei oor thah ha khappood Nepal wa Tibet.
Ha ini i jia da em 133 ngut ki nong India wa 37 ngut ki NRI kiwa wiar. Na kini 50 ngut ki nong India toh kiwa lai mane ha Kailash Mansarovar Yatra.
Da wiar leh 81 ngut ki pulit wa chipai ka Nepal.
Ka Tourism Ministry ka Nepal da ong ko wa 468 ngut ki Tourist kiwa dang wiar wei kini toh kiwa na India, Australia, Britain, Malaysia, Netherlands, Portugal, South Africa, South Korea wa ka United States.
Cha chiliang u pood ha Tibet, China da ong wa em 3 ngut kiwa yap nei oor khyndaw ha Gyirong Port, Tibet, wei da wiar 558 ngut wa kynthup ya 260 ngut ki Tourist.
Discussion about this post