U Deputy Commissioner ka East Jaiñtia Hills District da pyntip u wa da khut yei tyrwa namo ki Proposal na ki seiñ wa em hapoh ka District kiwa man kam ki Non-Governmental Organization (NGO), ki Club wa ki Self Help Group wa kiwi de yow yoh yarap poisa ki hapoh ka Chief Minister’s Youth Development Scheme (CMYDS).
Kani ka poisa toh yow pynman ki yalang wa ki kaam neibynta ki khynroo nadooh ki Youth Programmes, Adventure Programme, Awareness Programmes wa ki Cleaning Drives kiwa daw man leh wow lehkmen ya ka sngikha u Mahatma Gandhi, kamjooh i pynman ya ki Workshop, ki Seminar hajrong i eh i khoo wei wow tei ya ki khynroo, i leh ya ki Youth Counselling wa kiwi de.
Ka poisa wa e yarap u chong ko katkam ka Proposal namo iwa mut u leh heiwa daw chong bichaar da ka District Level Screening Committee wei i rai kani ka Committee u man ko kawa khaddooh.
Kamtæ da khut ya ki seiñ, ki Club, ki SHG, ki Youth Group wa kiwi de wow wan e ya ki Proposal deiwa thoh ha ka kot sada yow khana iyi wa daw pynman ki, ka Registration Certificate yong ki wa katwon ka poisa u emkaam ki wa kiwi de wei yeini waroh toh u pynpoi ha District Planning Office ha lane chwa ka 18 tarik u September 2026.
Kiwa pynpoi Proposal hadien ka tarik wa da booh ym pdiang ki, da ong i pynbna na u Deputy Commissioner.
Discussion about this post