Ka Nepal Police da pyntip ko wa hadooh heipor 3:00 waje ynne da chem ya ki 781 tylli ki metyap nei chlai-um syndet ha khappood Nepal-Tibet ha i step ka 26 tarik uni u bnai.
Katkam ka yukheiñ kiwa boon dooh wa yap toh ha Chitwan heiwa da em 264 ngut, bood sa ka Nawalparasi East 194 ngut, Nawalparasi West 120 ngut, Gorkha 58 ngut, Nuwakot 52 ngut, Dhading 50 ngut, Tanahun 37 ngut wa ha Rasuwa heiwa da yap 13 ngut.
Chwa ini, ka National Disaster Risk Reduction & Management Authority (NDRRMA) ka Nepal da ong ko wa ynne hadooh 1:00 waje da em palat 2,500 ngut kiwa dang wiar.
Ya ki metyap ki wym tipmit da booh ha ki 21 tylli ki Hospital ha kylleiñ ka ri katwa dang yang wow leh yeiwa emkaam.
Ka NDRRMA da ong ko wa na kiwa wiar, 933 ngut toh kiwa kreh ha ki Hydropower Projects, 592 ngut toh ki baar ri, 127 ngut toh ki Nepali wa synraan ya ki baar ri wa ki bru ka Nepal Police, Nepal Army, Armed Police Force, Customs Office wa ka Immigration Office.
Discussion about this post