Ka sorkar MDA daw yachem ko wa ka sorkar pyrdi heiyatoh wow pynkylla ya ka Presidential Order of 1950 kawa man ka thup ki Scheduled Tribe wa da tipmit hapoh Meghalaya, wei yeini da pyntip u State President ka NPP uwa man leh u Deputy Chief Minister, u Prestone Tynsong ynne ka sngi.
Hawa klam ha ka 14th Foundation Day ka NPP, u Prestone da ong u wa yeini da rai wow leh ha u bnai wa dadep neibhah manda ong wa ka Meghalaya toh ka jylla ki jaitbru ri-loom da pynchong yurim ha ka Presidential Notification of 1950 wei la 76 snem wa da lai kamtæ emkaam u pait bha kiyi ki jaitbru wa em ha ka jylla.
Da kyruiñ u cha u 2003 wa em i sñiaw yaphær jaitbru ha Mizoram heipor wa man Chief Minister u DD Lapang heiwa da em boon ki Pnar wa Khasi wa sah ha ki thaw wa awri.
Da kyntu u leh yei kyrchaan heiyatoh wa ini deiwa ong ym yakhih sarok tangwa deiwa leh katkam ka aiñ wei lada emkaam daw yachem ki wa u Prime Minister wow pynkylla ya ka Notification yong u 1950 khnang wow khlan ki Garo, Khasi wa Jaiñtia.
Discussion about this post