U Symbood Montri Rangbah ka jylla, u Prestone Tynsong da ong u wa ka sorkar ym ye ko wow suki hi-eh wei wow paitke hawa em kiwa pynthut ya ka chong suk chong saaiñ ha ka jylla.
Hawa jubab hajrong i yakhih wa i maham ka KSU, u Prestone uwa pait leh ya ki kaam pohyung da ong u wa kiwon kiwon kiwa pynthut yei chongsuk chongsaaiñ, neiliang ka aiñ daw leh ko yeiwa emkaam wei ym ye wow pdiang la kammon kammon ya ki kaam pynthut yei suk i saaiñ.
Kam wow kdaw heini wa da em 5 ngut kiwa yahkhmat ka KSU kiwa da chah kem hajrong i chah pynbaad emkti yow wanrah yei huri hura heipor wa lai Rally ha ka 19 tarik u bnai wa dep ha Shillong.
Heijooh i por da ong u wa ka sorkar daw pynman ko yei lai pait deilang wa ka KSU ya ka khyrdop kynreh bru ha Umling ym slem de wei yeini da pynkit ha u DC wow leh u yeiwa emkaam.
Discussion about this post