Ka Seiñ Kur Sutnga 14- Khrong Jowai Circle ha ka 12 tarik uni u bnai daw sdang ko yei lehkmen dap 25 snem namo Silver Jubilee, ha ka yalang wa daw pynman ha Dorbar Hall Mynthong Jowai heipor 1:00 waje i sngi.
Kamtæ da khutlang ya waroh ki Kur Sutnga 14-Khrong yong ka Jowai Circle wow ya wan emlang ki ha katai ka sngi khnang yow man ka sngi sdang lehkmen kawa phooh wa pheiñ wei chongkun.
Kam chibynta ka lehkmen, hei step ka 19 tarik uni hi u bnai daw em ka yakob phet Marathon wa pynlai da ka Sports and Games Committee, ka wow sdang na yingkieñ Myntdu Pynthorneiñ deiwa lai lyngba u Jowai Bypass, Riatsaitsim, Stand War, Mynthong, laad Jrisaleiñ, Khimusniang hadooh PHE Khliehlangcha.
Ha kani ka Marathon kiwa ye u chimbynta toh du ki para kur donhi, wei najrong wa daw saam Prize cha kiwa yoh nyngkong, wa ar wei kiwa yoh wa le, daw saam Special Prize leh cha kiwa khian rta dooh wei heh rta dooh kiwa chimbynta ha kani ka Marathon neibynta kynthai wa chynrang.
I por poi ha katai ka thaw sdang toh 5:00 waje i step.
Discussion about this post