Ka World Literacy Day toh ka sngi kyrpang yong i thoh i puræ wa da sdang da ka UNESCO nadooh u snem 1966. Ha uni u snem ka UNESCO da booh kyrpang ko ya ka mat pdeiñ yong ka World Literacy Day kawa ong “Literacy for people, the planet and prosperity” iwa mut i stat i tip ya warohlang salonsar khlem da wanrah i sñiaw yaphær wei iwa lailang chirup katkam i yah ka juk ka por wa kynthup i rukom im hapoh ka imlang sahlang, i tip u kheiñkor, u maya ya ka bei rymaw wa ki soodong sookun yong ka wei wow kyntu kynrong yei yoh i la i roi i paar lyngba ki laad khih laad kamai waphær yong kani ka juk ka por.
Ha West Jaiñtia Hills District lyngba ka yung krehkaam yong ka District Mission Coordinator, Samagra Shiksha, ki skur wa em ha ki Block waphær yong ka District da kitkhia ki wow pynman ki kaam wa kyrpang ya ki khynnah skur wa kynthup ya ka Drawing-Painting, Recitation, Slogan Writing, Poetry Writing wa kiwi kiwa man chibynta ka dak i yaksohktilang wei wow pynyoo hakhmat ka pyrthai yei man khroo man kyrpang kani ka sngi.
Chooh chooh neiliang kiwa sikai ha ka thong wow khriñ yei pyrkhat pyrdeiñ yong ki khynnah chaphang i kordor yong i tip u thoh u puræ ha kani ka juk ka por wa katni da chimbynta ki hei wow e i klam i kappæ wa kyrpang hajrong ka thong yong ka World Literacy Day wei wow pynman leh ya ka Literacy Pledge Reading.
Discussion about this post