U General Secretary ka United Democratic Party (UDP), u Titosstarwell Chyne da khana u wa ki MLA ka Party kiwa da mih khubor wow yut cha ka BJP, ym kyntait wei ym pyntikna ki lada toh sakhiat wa em kam ini i thmu.
Hawa klam wa kiwa thoh khubor, u Titos da ong wa u da yachem wei da yaklam boonsien wa waroh ki MLA ka Party, tangwa ym klam che ki wa daw yut ki cha kawi ka seiñ, heiwa da pyntip u wa hadooh kattæ ka Party ym pu yoh ko yei pyntip na ki MLA.
Da ong u wa lada sñiaw ki wa kiwa yahkhmat kam u President næ General Secretary toh ki wym biang wow ksoh yei kaam, neiliang yong oo smat u wow chim yei kitkhlieh deiwa hiar chuki wei wow ong leh ya u Metbah Lyngdoh wow hiar chuki noh nei kaam President.
Hawa kylli, u Titos da ong u wa lada pait ya ka History, i yut seiñ i psiah seiñ ki MLA ymtoh de iwa phylla, tangwa iwa sñiawsih toh wa na ka seiñ ri-loom u lai ki cha ka National Party, deiwa kdaw leh wa yei yapiah yapra ki seiñ ri-loom ha ki por nachwa heiwa da lai psiah ki cha kiwi ki seiñ ri-loom.
U Titos da ong u wa ym tip ki hadooh katwon itæ i Agenda yong ki National Party wow yada ya ki khian paaid, tangwa kamwa man hadooh kattæ i khih i ksaid wow yada ya ka jaitbru nei chah tlep ha ki bor kiwa na baar dang lai ko.
Discussion about this post