Wan kawa na Chennai cha Asaam tangwa dooh noh yei mynsien deiwa chah dung ha u chan

Hadien wa ha ka tayaaw wa nyngkong uni u bnai da chah pynyap kawi ka kynthai ha Guwahati, Assam pyn ha u kurim ko heiwa da ah u yei khlieh ko wei da ah lyngkhot u leh yei doh ko dei thmu wow e baam ksaw ki, da jia biang sa iwi heiwa kawi ka kynthai da chah pynyap ko ha u chynrang ha ka 12 tarik uni u bnai hajan Rangia.

Ini iwa dang jia da jia i hapoh kawi ka Hotel kawa em hajan ka Rangia Railway Station, Assam heiwa u Abhijit Kundu (22) da pynyap u ya ka chan u kawa tip kam ka Malani Gudiya (19) deiwa dung ka da ka kait.

Ka Malani Gudiya da wan ko na Chennai wei da sah ko ha ka Atithi Hotel ha ka Room No. 111 wei u Abhijit Kundu da sah u ha ka kamra wa em pyn ha chrooh hadien wa wan u na Rowta iwa em ha Udalguri District ka Assam.

Katkam wa pyntip ki pulit, u Abhijit hadien wa pynyap u ya ka Malani, da pyrchang u leh wow pynkut yei mynsien.

Related posts

Chah tooh ka thuk-thuk na Kongong

September 8, 2026

Chi rta phah kset ya uwa slaitbor boonsien ya ka khynnah khian wei tba khlem akor ya kawi won

September 8, 2026

Hawa kylli ki pulit yei daw wa pynyap u ya ka chan u, da ong u wa leh chukor ko oo wei ym dam ko wow yaklam wa uwi won u bru kamtæ da pynap u ka.

Ka takit da chem ko wa ka Malani da wan ko na Chennai deilang wa ar ngut ki lok kynthai ko wei da sah ki ha katai ka Hotel hei miet ka 12 tarik hadien wa chah ieh ki ha ka Train wa toh u lai cha Rangapara.

Deiwa yarap u Kundu, da chim ki ar tylli ki kamra ha ini i Hotel heiwa ka Malani wa ki lok ko da em ki ha ka Room No. 111 katwa oo won ha ka Room No. 110.

Heipor pyrdi synyaaw, ka Malani da wan ko cha kamra u Kundu heiwa da mih i yamai heiwa da pynbaad u ya ka wa em chan ko da uwi wei deiwa leh i chrai da dung u ka wei yap pyn ha ini i thaw.

Ki pulit da pyntip ki wa hapoh kani ka kamra da chem ki leh ya ka that wa kdoh na ka Ceiling Fan iwa da pynsuba wa u Kundu da mut u wow pynkut yei mynsien.

U Kundu da neh u hapoh kani ka kamra deilang i metyap ka chan u wei hei step hadien wa ki lok ko ym em chem ki ka hapoh kamra, da lai tied dwar ki ya ka kamra u Kundu uwa da ong wa u wai u ya ka dwar du hadien wa wan ki pulit wei hawa jngieh ki na khap ka yit ka khian dwar da yoo ki ya ka lok ki wa em ko ha thaw thiah wa ka that wa wah na ka Ceiling Fan.