Yoh ka JNC ar tylli ki jubab kiwa phær yei jooh iwa kylli heiyatoh wa Shree Cement    

Ka Jaiñtia National Council-Central Executive Committee hawa booddien yei kaam ka Shree Cement ha u Lum Syrman, ynne da e kti ko ya ki ar tylli ki dorkhat ha ki chnat sorkar wa kynthup ya ka State Level Expert Appraisal Committee (SEAC) wa ka State Environment Impact Assessment Authority (SEIAA) wow dawa pynsangeh chisiendon ya ki kreh ka Shree Cement katwa ka Status Quo dang lai ko.

U President ka JNC da phylla u wow yoo ya ki chnat ka sorkar krehkaam ki hajrong ka Shree Cement wot hadien wa ka sorkar da pynbna ko ya ka Status Quo yow pynsangeh yei kreh katwa i takit ka Fact Finding Committee ka sorkar dang lai ko chaphrang.

Hajrong ini da yachem wa u Chairman ka SEIAA u Annamalai uwa da ong u wa ympu leh iwon iwon hadien wa da pynbna ya ka Status Quo, wei heiyatoh wa ka Environmental Clearance ka chnat ym lai ko chaphrang katwa ka Status Quo dang em ko.

Hajrong ini i kam u Annamalai, ka seiñ da phylla won ko wa hawa yachem wa u Joint Secretary ka Chief Minister Secretariat da khana u ya ka seiñ wa ka Status Quo kreh ko du neibynta i kreh ha madan ym ya ki kot ki sla.

Related posts

Mih leh i pyrtuid ka Nongtalang, Nangbah wa ka Cham Cham ha ka Kayakalp Awards neibynta ki thaw sumaar

September 14, 2026

Mih i pyrtuid ka 100 Bedded Hospital Jowai kam ka Best District Hospital

September 14, 2026

Ini da pynphylla ko wa kammon u Chairman ka SEIAA uwa man leh u dkhot ka SEAC da ong won u wa ym leh ya kiwon kiwon ki kaam wot ki kot ki sla katwa ka Status Quo wa ka Fact Finding Committee dang lai ki.

Hajrong kini ka seiñ da ong ko wa ka sorkar toh u pynche paidbah ko wei wow pynbna noh da ka Notification hajrong kini kiyi waroh khnang wa ki paidbah u tip ki yeiwa che.