U Lawyer u Kalyan Bainsla uwa man u bru wa yah ya ka Maruti Ciaz uwa da tyrrah ya kawi ka kynthai wa yah Sports Bike ha Gurugram ya kawa tip kam ka Sia (@rebelwheels_sia_) ha ka 13 tarik uni u bnai, da pynbaad kylla u cha kini kiwa yah thuk-thuk.
U Kalyan Bainsla da kam u wa oo toh uwa yalehke Kabbadi ka India.
Neiliang u Lawyer da ong u wa hei step ka 12 tarik heipor 7-8 waje kawa man leh ka sngi Sunday, da em kamwa 25 ngut haroh kiwa yah thuk-thuk kiwa chim pass ya u Kalyan wei kani ka kynthai toh kawa pynhær bha hadooh 140-170 Kmph wei da ah ko chajan ka kari u.
Da ong u wa hawa yaklam ki da ong u ya ka wow lai jai-jai tangwa kiwi kiwa yah thuk-thuk da wan ma wan ki yow pynchrai wei da leh ki kamwa kwah wow ya Race wei manda pynhær kari u da toh lai u cheiliang ka kynthai heipor wa mut u wow dong (U-Turn) wei ini waroh ymtoh iwa leh chynnam wei iwa bakla donhi.
Ha i Video wa booh ka Sia ha Social Media iwa da poor bha da yoo wa ka kari da bood ko ya ka Sia wei da tyrrah ko ya ka thuk-thuk wa yah ko hadooh wa takha ko na kti wa na kjat.
U Kalyan da ong u wa i tyrrah ymtoh iwa leh chynnam wei ympoi pyrkhat u wa toh ka kynthai wa yah ya ka thuk-thuk.
Heiyatoh wa ini da Register ya ka FIR ha Sector 56 Police Station, Gurugram.
Neiliang u pa ka Sia da ong u wa ini i leh u Kalyan toh i thmu wow tynyap bru.
Discussion about this post