Heipor wa dang khyndang ya ka ATM wan khang ka Manager ya ka Shutter | Chah kem ar ngut

Ha iwi i pyrchang wow tooh na ka kor ATM ka UCO Bank ha Nagaur Road, Marwar Mundwa, Nagaur District, Rajasthan da sepai noh i du nei syndong wei husiar ka Branch Manager.

Ini da jia i ha i step ka 27 tarik uni u bnai heipor 2:00 waje heiwa ar ngut ki bru wa tymmoh khmat da psiah ki ha i kamra booh ya ka ATM deiwa rah ya ki tiar wow looid wei khyndang ya ka kor kawa em poisa Rs. 16,00,900 hapoh.

Ka Centralized e-surveillance System da suba ko wa em i pyrchang wow tooh wei da pynkieh ko ya ka Siren heipor 2:04 iwa pynman ya ka Branch Manager, ka Sarika Chaudhary wa ki bru wa sah hajrong ka Bank wow pyntip ya ki pulit.

Related posts

Kyntu ka PETA ya ka sorkar wow khang ya ki Advertisement dai doh kam ka dak wow warom ya u Gandhi

September 29, 2026

Yap uwi u chipai Assam Rifles, mynsoo 4 ngut hadien wa chah siat ha khappood Myanmar

September 29, 2026

Ka Sarika Chaudhary mar ya sñiaw ya ka Siren da hiar ko wut-wut chawah chirup wa u kurim heiwa da pynhaap ki ya ka Shutter wow khang ya ki ar ngut hapoh kat hadooh wa wan ki pulit. 

Napoh ini i kamra booh ATM da kem ya u Bharat Prajapat uwa man u tre i dhaba wa u Komal Kumar Rajput.