Kyntu ka PETA ya ka sorkar wow khang ya ki Advertisement dai doh kam ka dak wow warom ya u Gandhi

Ka seiñ wa yada ya ki mrad, ka PETA India da kyntu ko ya ka sorkar pyrdi wow khang ya ki Advertisement wow dai ya ki doh kiwa booh ha ki Billboard, Television, Online Platform wa kiwi nadooh ka 2 tarik u October kam ka dak wow warom ya u Mahatma Gandhi.

Ha ka chithi cha u Information and Broadcasting Minister, u Ashwini Vaishnaw, neiliang ka PETA India da kyrpaad ko wow khang ya ki Advertisement wa dai doh ha waroh kawi ka ri deiwa kdaw yei bha i miat ki mrad kamjooh wow myntoi ki paidbah wa ka mariang.

Ka PETA da ong ko wa u Gandhi da yah u ya ka luti wa jai-jai khlem rah ya ki tiar pynmynsoo namo ka Non-Violence wei wow warom yeini da emkaam u khang ya ki Advertisement wa pynyoo wa dai ya ki doh.

Ka seiñ da kdaw ko wa ya ini da leh ha kiwi ki thaw ka pyrthai kam ha ki sorbah ka Europe kam ha Amsterdam, Haarlem, Utrecht wa Nijmegen.

Related posts

Iñ ka kari wa u bru hapoh hadien wa tkut u sainar bordiñ hajrong yong ka ha East Jaiñtia Hills

September 29, 2026

Da pynkylla ya ki sngi wa ye u Book ya ki Domestic LPG neibynta kiwa em ha sor wa cha palatsor

September 29, 2026