Ha iwi i jia wym poi pyrkhat na Chhatrapati Sambhajinagar, Maharashtra, ki chi kurim da dai ki ya u khon ki uwa dang chi bnai chiteiñ hei dor Rs. 1.20 lak wow thied Mobile wa u kynjri ksiar.
Hadien ini uni u khonboo da chah dai u hadooh ar sien du hapoh 48 kynta hadooh wa ku i dor cha ka Rs. 3.5 lak chwa wow chimkti ki pulit oo.
Nyngkong da dai ya oo ha i dor wa Rs. 1.20 lak da ki chi kurim, ka Vandana Kamble wa u Yogesh Kaamre, kiwa da dai ya u khonboor cha ka Seema Reshwal.
Ka Seema da dai won ko ya uni u khonboo ha i dor Rs. 2.70 lak cha ka Sangeeta Awhad, kawa na Padegaon wei ka Sangeeta da lai won ko cha Awhad wei da dai won ka oo ha i dor Rs. 3.50 lak cha u Suresh Guntuka uwa man u Doctor thok. U Suresh won da e kti u ya u khonboo ha ka Uma Khatkam kawa em ha Hyderabad.
Ha ka 20 tarik u September ka bei uni u khonboo da ujor ko ha ki pulit ka Pundliknagar Police Station wa chah dat ko ha u kurim ko wei heitæ manda takit chemdien ki pulit wa da dai ki ya u khon ki.
Heiyatoh wa ini ki pulit da kem ki ya 7 ngut ki bru wa kynthup ya ki chi kurim wei da chim leh ya ki Mobile wa u kynjri ksiar na ki heiwa i takit hajrong ini dang lai i chaphrang.
Discussion about this post