Toor ka VPP cha Office DC wow pynsangeh ya ka Interview kreh Nurse ha Nongstoiñ

Ka Voice of the People Party – Youth Wing ynne hapoh i yahkhmat u MDC ka Nongstoiñ, u Dr. Juristman Iawphniaw, da toor paidbah ki cha Office ka Deputy Commissioner, West Khasi Hills ha Nongstoiñ wow dawa pynsangeh ya ka Interview thung kreh Nurse hapoh ka MCH Hospital, Nongstoiñ kawa da lai cha ka sngi wa ar wa ynne.

Ynnin ka sngi u MDC da psiah yabor u hapoh ka kamra chim Interview ha Conference Hall ka Office ka DC wei da pynsangeh u ya ka Interview deiwa phah ya kawa yaleh kreh wow mih cha lait. 

Da pynbaad u wa ini i thung kreh man i iwa deiwa leh tooh deiwa baam poisa.

Neidaw wa pynman bait ya ka Interview ynne, u MDC chirup wa ki dkhot ka Youth Wing da mih ki wow khang biang ya ka Interview kat hadooh ympu che yeiwa da pynbaad.

Related posts

Khang ki dukan le kynta ha Tura wow kynmoo warom ya kiwa yap ha u 2005 

September 30, 2026

Krehkaam ka aiñ wow yoh du ki Tribal wow chimbynta wei thap Vote ha ki Election GHADC

September 30, 2026

Ka seiñ da poi ko ha Office ka DC heipor 10:00 waje i step wow e ya ka dorkhat hajrong ini i thung kreh Nurse heiwa da kam wa ki kot ki sla wa da soohlang toh ki sabut yeiwa da pynbaad wei ym che i rukom thung kreh. 

Heipor chiteiñ sngi da em i pynyoobor hapyrdi ka VPP wa ki pulit kiwa da psiah yabor cha pchem ka Office wei ki pulit ym em u chah ki ya ki wow psiah chapoh ka Office.