U Deputy Commissioner (Supply), West Jaiñtia Hills da pyntip u cha kiwa em ya ka NSFA Ration Card hapoh ka District wa daw pyndam noh yei krehkaam ki Card Ration kiwa man kam ki ‘Silent Ration Card’ kamjooh kiwa em ya ki jooh i pyrtuid kiwa yoh myntoi boonsien hapoh ka SMART-PDS.
Yeini i pynkhooid da leh da ka National Informatics Centre (NIC) wei da leh yow pynbait pynryntih ya ka Public Distribution System (PDS) wei wow pyntikna leh yoh myntoi du kiwa em hok sakhiat u yoh myntoi.
Ini toh iwa da pynkrehkaam hapoh ka ri wei i pyndam namo ka Auto-Deactivation System daw pynkrehkaam ka nadooh ka 1 tarik u October, 2026. Hapoh kani ka System, ha ka 21 tarik man-u-bnai, ka PDS Portal daw pna leh yow tip ya kiwa man kam ki “SILENT RATION CARD” wei kini toh ki wym em chim khoo rachon khlem sangeh 6 bnai lane palat 6 bnai wei kini daw pna chah pyndam ki hapoh ka PDS Portal.
Kitu kiwa man kam ki Duplicate Beneficiaries namo kiwa em pyrtuid ar sien kam kiwa yoh myntoi daw tipmit ki lyngba i pyrtuid wa em ha ki thup Aadhaar.
Daw phah leh da i SMS cha u khlieh ka yung lada chah pyndam ya ka Ration Card wei kitu kiwa yoh ya kini ki SMS toh u lai ki cha kiwa jan dooh ki dukan rachon namo ki Fair Price Shop Centres (FPS) lane cha ka yung krehkaam u Deputy Commissioner, Supply heipor wa man kreh.
Kiwa yoh myntoi da toh u pyndep ki ya ka e-KYC wa ka Aadhaar Verification heiwa da e por 90 sngi yow ye u leh yeiwa emkaam.
Discussion about this post