Ka Central Water Commission (CWC) ka ri India da kyntu ko ya ka jylla Assam wa West Bengal wow pynkhreh yei chlai-um hadien wa jia ka Glacial Lake Outburst Flood (GLOF) ha Shintaphu Lake, Bhutan, heiwa ye ka wah Sankosh u ku.
I kyntu wa pynmih ynnin da ka Indian Embassy ha Bhutan da ong ko wa jia ka GLOF ha Shintaphu Lake, Punatsangchhu River Basin.
Ka um na Punatsangchhu, toh kawa kai cha India kam kawa tip kam ka wah Sankosh heiwa ka um ye ko wow ku ha Dhubri District ka Assam wa Alipurduar District ka West Bengal.
Ka CWC da ong ko leh wa ka um daw poi ko ha India-Bhutan myntu ka sngi.
Neiliang u CM ka Assam da ong u wa ka jylla da man ko kawa da pynkhreh heiwa da phah leh ya ki NDRF wa kiwi ki chnat wow man kiwa pynkhreh.
Ini i chlai um ha Bhutan da pynman ko ya ki phaw hajar ngut ki bru wa sah harood ka wah kani ka ri wow yut ki heiwa ka um wa khlanbor da rah ko deilang ki moo, i ktieh wa ki lyngkhot dieñ.
Hadooh wa pynmih khubor ym em wa yap na ini i chlai um.
Discussion about this post