Ka heh ka All India Congress Committee (AICC) ka Kumari Tilotama kawa man leh ka Obsever ka Vote Bachao – Desh Bachao ynne da wan ko ha Jowai deiwa ong ko wa ym em i yoh poisa na baar ri wow pynman yakhih dawa hiar chuki wei wow pynchitom ya u Chief Election Commissioner, u Gyanesh Kumar deiwa pynrap wa waroh ki bru ha ka ri wa embynta ha ini i yakhih.
Yeini da ong ko hawa jubab yeiwa pynbaad uwa e ktien ka BJP, u Gaurav Bahtia uwa da ong wa wan ka poisa na baar ri wow pynman yakhih ka Congress wow dawa hiar chuki ya u CEC.
Ka Kumari da ong ko wa ka toh kawa na Manipur wei da lai chimbynta ko hei yakhih ha Ramlila Maidan khlem em wa e poisa ya ka kamjooh kiwi tawon.
Da ong ko wa wot ha Meghalaya leh da pynman yakhih tangwa heini leh ym em wa e poisa weiwa ini toh i krehlang ki paidbah.
Chooh chooh da ong wa kani ka yakhih laitlooid wa ar heiwa nyngkong da yakhun laitlooid na ki pharæng wei katni won u laitlooid na i synchaar embor ka BJP wei katni ki bru da man bro ki kamtæ waroh emkaam ki wow embynta noh ha ini i yakhih laitlooid.
Discussion about this post