Mih noh kiwa boon kiwa yahkhmat ka UDP hapoh ka Amlarem Constituency yow e kyrchaan ya u Lahkmen Rymbui

Ha ka yalang wa da khut pynman da u MLA ka Amlarem, u Lahkmen Rymbui ynne ha Amlarem yow yaklam yeiwa psiah u cha ka BJP heiwa da wan boon kiwa yahkhmat ka UDP napoh ka Amlarem Constituency leh da wan ki wow chimbynta heiwa da chim rai wow mih noh napoh ka UDP yow kyrchaan ya u Lahkmen.

Neiliang u Kolmen Pohshna uwa jooh man kam uwa e buit ka UDP wei uwa da jooh man leh kam u President la 28 snem uwa da emlang ha kani ka yalang da ong u wa u MLA hawa klam u ym em klam beiñ u iyi iyi ya ka UDP wei da ong u wa ki 8 ngut ki MLA da psiah ki cha ka BJP yow wanrah yei kylla wa ka roi ka paar hapoh ka thaaiñ War Jaiñtia wa ka Meghalaya waroh kawi.

Kiwa da emlang ha kani ka yalang leh waroh da ya thap kti wei da kyrchaan ki ya iyi wa da ong u wei da e ki leh yei kyrchaan ya u Lahkmen Rymbui kam u MLA uwa da ye wow wanrah chiboon ki kaam pynroi.

U Kolmen da e khublei u leh ya u President ka UDP, u Metbah Lyngdoh kam uwa da jooh ya krehlang wei ym em u iyi iyi iwa sih wow ong pyrchah ya oo deiwa yooluti wow ya krehlang biang manda chna sorkar ha u 2028.

Related posts

Kyntait ka JAC wow lai cha Shimla næ Sikkim wow pait Ropeway

November 13, 2026

Dawa ka KJYSU na ka sorkar wow pyrchah yeiwa pynkylla ya ka Forest Act wa i pynyaar yei bor ki BSF hapoh Meghalaya

November 13, 2026

Kamtæ u Kolmen da ong u wa da ieh noh u yei man dkhot ka UDP kamjooh i kaam wa ksoh u yow lai kyrchaan ya u Lahkmen Rymbui kam u MLA uwa da ye u wanrah yei kylla deilang ki EC Member yow lai psiah noh cha ka BJP.

Da khut u leh ya ki paidbah ka 7-Amlarem Constituency wow e yei kyrchaan ya u Lahkmen Rymbui.