Ka Khasi Jaiñtia Deficit School Teachers Association (KJDSTA) ynne ka sngi da kyntait ko yeiwa kyntu u Chief Minister wow pyndam yei yakhih deiwa ong wow pteiñ ki yei yakhih neibhah ka chithi na ka Chief Minister’s Office ym em u kular ko iwon iwon.
U President ka KJDSTA, u Boswell Pala da ong u wa kiwa sikai da yachem ki wa u Chief Minister ha ka 13 tarik uni u bnai dei sñiawkhia wei yooluti tangwa da mih ki khlem iwon iwon i kular.
Da ong u wa i yachem da neh i chiteiñ kynta heiwa da pynsñiaw ya ki mat khamtam ka Scheme 2023 wa ka Scheme 2026.
U Boswell Pala da ong u wa u Chief Minister da kular u wow chimkhia yeini wei ha i janmiet da yoh ya ka chithi na Chief Minister’s Office wow kyrpaad wow pyndam yei yakhih heiwa u Chief Minister da ap u yeiwa pynsñiaw ki wei da phah ya ka Education Department wow sylli bñiah yei kaam.
Chooh chooh da ong u wa ymtip yi wow sylli wei e ya ka bui (Report) neibhah ym em u che kdar mynnu u pynkhreh ya ka bui, kammon u man ko, heiwa u Chief Minister da ong u wa ki mat man kiwa che, tæ hawa che iyi won de u sylli kattu?
Da ong u leh wa ka chithi toh kawa ymye u chaniah yei rukom man ko, heiwa da klam ko du wow sangeh yei yakhih kamtæ ynne da rai wow pteiñ yei yakhih.
Heijooh i por da kdaw u ya ki mat wa kynthup ya ka Centralised Provident Fund, ka NPS, i pynkrehkaam ya ka Scheme 2023, i pyndam ya ka Scheme 2026, ka Contributory Provident Fund ha i dor wa 10% na ka tulop man ki kiwa sahteiñ.





Discussion about this post