Ki bor District ka East Khasi Hills da khang ki ya ki kari wa kit palat 28.5 Metric Tonne wow lai na ki sarok cha Shillong deiwa lai luti ya ka yingkieñ Umiam thymme kam chibynta wow pynneh ya ka.
U District Magistrate u Abhilash Baranwal da pynmih u ya ka hukum hapoh ka Section 163 ka Bharatiya Nagarik Suraksha Sanhita (BNSS), 2023 heiyatoh wa ini.
Kani ka hukum khang ko ya ki kari wa kit palat yeitai i khia neidaw wa ye i u ktah ya kani ka yingkieñ wa kiwi wa lai wa wan na ki sarok.
Kani ka hukum da man ko kawa krehkaam kat hadooh wa em ka Weighbridge wa pura lane ka Mobile Weighing Facility ha Umiam.
Kiwa leh pyrchah yeini u chah pynchitom ki katkam ka Section 223 ka Bharatiya Nyaya Sanhita (BNS), 2023.
Kam wow pynkynmoo wa kani ka yingkieñ toh kawa da wai ha u bnai May uni u snem.
Puræ leh: Wai u Prestone ya u sarok wa ka yingkieñ thymme ha Umiam yow ye biang ki Night Super u lai cha ISBT





Discussion about this post