U Chief Minister ka Assam, u Himanta Biswa Sarma da pynbna u ya ki 12 tylli ki Action Plan wow pynduna yei tyrrah kari ha ka jylla deiwa ong wa ym maap ya kiwon kiwon kiwa tyngkheiñ ya ki kyndon yah kari.
Ini wan i hadien i tyrrah kari ha ka 13 tarik ha Kaziranga heiwa da yap 26 ngut ki bru.
Ya ka Action Plan da rai ha ka yalang wa man wa ka chnat Transport Department ha Lok Sewa Bhawan ha Dispur ha i miet ka sngi Bibar.
Hapoh ka Plan u kynthup i wow booh ya ki Road Safety Task Force ha waroh ki District katkam ka hukum ka Supreme Court wei wow sdang ya ka District-Level Zero-Fatality Programme wow pynsmat yeiwa kreh ki bor sorkar.
Wow pyntikna wa sap Helmet ki bru, ki pulit u pynjoor ki wow sylli ya ki kari hapyrdi 3PM wa 9PM yow pait ya kiwa pynhær kari, kiwa yah khlemakor wa kiwa yah kari deiwa muaid.
Daw pynchitom leh ya kiwa jooh myllien u tyngkheiñ aiñ, heiwa daw pyndam ya ka Driving Licence yong ki, u pyndam ya ki Permit ki kari kamai lada tyngkheiñ aiñ ki langær khamtam kiwa tyngkheiñ aiñ palat 34 sien.
Waroh ki kari kamai hap pyndait ki ya ki Speed Governor yow lait u ye u yah pynhær wei u pynchitom ya kiwa looid ya kini.
Ka Action Plan u pynkhor ko leh yei rukom e Driving Licence deiwa sylli bniah ya ki kyndon Road Safety wa kiwi.
U pait leh ya ki sarok wa joor i tyrrah kari wei wow pynbait ya iwa emkaam nadooh ki thaw wow kaap chiliang sarok, ki Street Light wa i chna ya ki Road Divider.
Ka Plan u kynthup ko leh hei wow pynkhlan ya ki rukom e sumaar namo ki Emergency Medical Response ha ki sarokbah, ki thaw sumaar ha ki sarokbah leh u pynbiang ya ki Doctor, kiwa kreh wa ki tiar sumaar.
Chooh chooh daw hikai ya kiwa kreh ki Hotel wa Dhaba wow man kam ki Road Safety Volunteer heiwa daw chah hikai ki wow e First Aid wa kiwi ki kaam wa jhan heiwa daw pynkup burom ya ki chisien chi snem.





Discussion about this post