Ki khynnah puræ yong ka Kiang Nangbah Government College Jowai, Vocational Training Course Tourism (Event Management) da pynman ki ya ka yakob kawa chi sngi wa e pyrtuid ka ‘Battle of Talents 2026’ ha Auditorium ka College ha ka 16 tatik uni u bnai.
I thmu yong kani ka yakob pynyoo yei sap i phong toh yow e laad ya ki khynnah wa puræ ya ka Vocational Training Course (Event Management) u yoh ki ya ka ‘Experiential Learning’ deiwa pynman kam kani ka yakob kam chibynta ka Training ki heiwa ya waroh i jait da leh pyn da ki hapoh i pynlai yong uwa sikai (Instructor), u Jomanson N Passah.
Ha kani ka sngi, u Principal yong ka College, u Hercules Toi da man u kam u Chief Guest, u VTC Coordinator yong ka College, u Rimiki Nanghuloo da man u kam u Guest of Honor.
Kiwa jop ha kani ka yakob toh u Bansharailang Tansang na ka 1st Semester Chemistry, ITEP Department uwa da yoh nyngkong, ka Dakawanshwa Phawa kawa na ka 3rd Semester English Department da yoh wa ar ko katwa u Khlurstep Dhar na ka 1st Semester Mathematics Department da yoh wa le u.
Kani ka yakob najrong wa e sikai ko ya kiwa pynman ya ka, da wai luti ko leh ya ki khynnah wa puræ ka College kiwa em jar jiar i sap wow pynyoo ki hakhmat ki paidbah kawa man leh ka laad wow pynchlur ya ki yow chimbynta ha kam kini ki yakob ha ka mynried ka yong ki.
Yeini waroh da wan wow sakhi da kiwa lai puræ kamjooh kiwa sikai wa kiwa kreh ka College.








Discussion about this post