Jowai: Katkam wa pyntip ki pulit, ha ka 8 tarik uni u bnai hadien wa yoh yutip ki wa tikna wa u Aibanteilang Marthong (25 snem) toh uwa dai drug hajan ka yung krehkaam u DTO, Nongstoin West Khasi Hills, heiwa ki pulip da lai ki wut wut cha kani ka thaw wei da kem ki ya u Aibanteilang Marthong wei na oo da yoh ki wow kem 1.61 Gram iwa suba toh i drug heroin.
Ha ka jooh ka sngi heipor 7 waje i miet, ki pulit da lai khynra ki ya i yung u Aibanteilang Marthong wa em ha chnong Umsohlait, West Khasi Hills wei da chem sa 0.98 Gram wa suba toh i drug heroin.
Ha ka 10 tarik won, ka Shruti Thapa da ujor ko wa heipor 3 waje i sngi, u khon ko u Arbin Bhusal (20 snem) da yoh yutip ko wa dih drug u wa ki lok u wa kynthup ya u Gopal Saha, u Sanjay Madok (23 snem wa u Malsawmkima P Lyngdoh (20 snem) ha Dumdum, Nongthymmai, Shillong. Hadien ini, u khon ko da chitom u wei da kit ya oo CH Shillong, tangwa da khlaad u .
Neiliang ka bei da suba ko wa toh wa emkti kiwi wa khlaad noh u.
Haka 9 tarik ha iwi tawon i jia, u Dominic Syngkly na chnong Nongthymmai, Ri-Bhoi District wa kiwi da ujor ki wa u Mangara Khymdeit uwa kreh kam u PWD Muster Roll da wiar u nadooh ka 9 tarik wei da suba leh wa da chah rahbor ha ki bru wa ym tipmit wei da chah dat chah bom u ha ki wa suba toh u chohnoh.
Hadien wa chem ya oo da kit cha PHC Kyrdem tangwa da khlaad noh u.
Discussion about this post