Ki kaam tooh hapoh ka jylla

Jowai: Katkam wa pyntip ki pulit, ha ka 9 tarik uni u bnai heipor 2:30 i step synyaw, u Dramly L Marshillong (38 snem) deilang wa uwi u da chem ya ki heipor wa tooh ki na iwi i dukan chna Mobile Phone yong u Kheinborlang Nongsiej ha yaw Mawkyrwat, South West Khasi Hills.

Ha ka jooh hi ka sngi, u Devendra Nagar da ujor wa heipor 9 hadooh 10 waje i miet da em psiah tooh chapoh yung u wa em Upland Road, Laitumkhrah, Shillong wei da tooh ki ya kawi ka DSLR Camera wa chongdor T. 40,000 wa ar tylli ki waje kti kiwa chongdor T. 7,000.

Haka 2 tarik won, u Laberness Kharkongor da ujor u wa heipor 4 waje i janmiet heipor wa sih ka Scooty u kawa em ya u number ML-05P-0622 ha Keating Road, Shillong, da wan uwi u bru wa ym tipmit u uwa yarap chna ka wei hadien wa hoi ko uni u bru da paan u wow pynemkaam yaka wei dei mynsien wa sñiawngooh, uwa ujor da chah u wei uni u bru won ym em de wan pynuiñ u ya ka Scooty yong uwa ujor.

Related posts

Thooh ki pulit ya kiwa tooh na iwi i dukan

June 6, 2026

Chah slaitbor kawa dang 17 snem kawa kreh ha iwi i yung ha Shillong wei chah beh kreh leh ka bei ko

June 4, 2026

Ha ka 5 tarik, u Mani Dhar da ujor u wa ha kani ka janmiet da em wa tooh ka ka thuk thuk u wa em ya u number AS-01DB-2795 wa pynyeiñ u hajan ka SBI Jorabat Branch, Ri-Bhoi.

Ha ka 4 tarik won da em wa tooh ya ka thuk thuk wa em ya u number ML-08F-5942 ka yong u Gajen Marak na i thaw wa booh u ka ha yung u wa em ha chnong Dabonggre, West Garo Hills.