Joor ki kaam toh kari hapoh ka jylla

Jowai: Katkam wa pyntip ki pulit, u Gulzar Hussain da ujor u wa haka miet ka 26 tarik u bnai wa da dep da em kiwa tooh i dukan dai khoo u wa em ha Kalaichar, SWGH wei da lute ki ya ki mar wa chongdor T. 31,158.

Haka jooh ka sngi, ka Rupsena Kazi da ujor ko wa da em wa psiah tooh cha yung ko wa em ha Julapara, South West Garo Hills, wei da rah tooh ki ya i ksiar wa i rupa wa chongdor T. 2 lak.

Haka 25 tarik won, u Siambiaklun da ujor u wa heipor step synyaw da em wa tooh ka ka thuk thuk u wa em ya u Number ML-05N-7394, kawa pynyeiñ u ha pchem yung u ha Lapalang, Shillong.

Haka 30 tarik, u Anthony Phankon da ujor u wa hei step synyaw kamwa 02:00 waje chaneiñ da em wa tooh ka ka thuk thuk u wa em ya u Number ML-05H-6996 na Nongmensong, Shillong.

Haka jooh ka sngi, u Elphenson Momin da ujor u wa heipor 02:00 waje i step da em wa tooh ka ka thuk thuk u kawa em ya u Number ML-13-8287, kawa pynyeiñ u ha Watregittim, Kharkutta, North Garo Hills.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Haka 29 tarik, u Ardon Chyne da ujor u da em wa tooh yaka thuk thuk wa em ya u Number ML-05S-3135 na yung u wa em ha Pynthorbah Block-1, Shillong.

Haka 3 tarik uni u bnai, u Blister Lyngkhoi na chnong Rambrai Mawrang, West Khasi Hills da ujor u wa heipor 1:15 i step da em wa tooh yaka kari Maruti Car u wa em ya u Number ML-05E-0503 na thaw kset u ka.

Haka chi tarik uni u bnai u Ajit Nath da ujor u wa da em wa tooh ka ka truck Dumper u wa em ya u Number HR-55K-2077 ka yong ka M/s CCL International kawa kylla ha sarok wa em ha Songkama Songsak PS, East Garo Hills. Hawa takit ki pulit da chem ki ya kani ka Dumper Truck na kawi ka karkhana yong u Jiarul Islam (22 snem) na Goalpara, Assam.