Ki kaam tooh kari hapoh ka jylla

Jowai: Katkam wa pyntip ki pulit, u Lamphrang Kharmyndai da ujor u wa haka 19 tarik uni u bnai wa haka miet ka 16 tarik hadooh wa kylla tarik ka 17 tarik ka Truck u wa em number ML-10A-8248, kawa pynyieñ u harood sarok wa em hajan ka chnong Lumsohkhlu, NH-44E West Khasi Hills da wiar ko.

Haka 18 tarik, u Samborlang Wahlang da ujor u wa heipor 8:30 i step, ka kari Bolero Pick-up yong oo wa em ya u number ML-11-1974 kawa booh u hajan yung wa sah u ha Sutnga, East Jaiñtia Hills da em wa tooh ka.

Haka 20 tarik, u L. Thabah da ujor u wa haka miet ka 18 tarik hadooh wa kylla tarik da em wa tooh ka ka thuk thuk u wa em ya u number ML-05L-2737 kawa booh u harood sarok Nongrimmaw, Block-A, Shillong.

Haka 18 tarik, u Dr. Shakil Ahamed, IAS, Principal Secretary, Govt. of Meghalaya da ujor u wa heipor 8:30 i step hadooh 8:45 i step da em wa tooh yaka Jacket, le tylli ki Mobile Phone wa ka muna kawa booh u haka thuk thuk u ha 2nd Ground, Polo, Shillong.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Haka 16 tarik, u Rajesh Shaw da ujor u wa heipor 2 waje i step synyaw da em wa tooh ka ka thuk thuk u na yung wa sah u ha Boiragipara, South West Garo Hills.

Haka 20 tarik, u Lilybirth A Sangma da ujor u wa hei miet da em wa tooh ka ka thuk thuk u wa em ya u number ML-08D-7962 na yung u wa em u ha Lower Hawakhana, Tura West Garo Hills.