Jowai: Katkam wa pyntip ki pulit, haka 24 tarik u bnai wa da dep, u M. Khonglam da ujor u wa da chah thok u T. 58,800 hawa mut u wow thied ya ka wi ka kari kawa da Advertise ha Facebook.
Haka 20 tarik uni u bnai, u Donnywell Puweiñ da ujor u wa haka 13-07-2018, wa arngut ki bru wa tip kam u Montu Pegu wa u Rajesh Saini da kyrpaad ki ya oo wow thap poisa haka Multi Level Marketing Online Business heiwa da e u T. 35,27,700 tangwa hadooh katni ym pu em yoh u yaka poisa wa da kular wow su ya oo.
Haka 23 tarik, u Rister Mukhim da ujor u wa haka 5 tarik uni hi u bnai da chem u yaka Advertisement ha OLX wa em wa tyrwa dai ya kawi ka kari Scorpio heiwa hadien wa yoh u wow yaklam wa uwa dai, da phah ya uwa thied wow thap poisa T. 2,87,099 tangwa hadooh katni ym pu em yoh u yaka kari.
Haka 12 tarik, u Dr. Dhriti Kr. Brahma, NEIGRIHMS da ujor u wa da yoh phone u na uwi u bru wa kam toh uwa kreh yaka ‘Make my trip’, hadien ini da chem u wa em wa sai T. 97,996 napoh ka Bank Account u.
Haka 11 tarik, u JM Pohsngap da ujor u wa ha kani ka sngi heipor 1:57 i sngi da yoh phone u na uwi u bru wa pyrtuid Sriranjan Reddy, uwa da kam toh u Manager ka SBI Main Branch, Shillong uwa da kylli chaphang ka Bank Account uwa ujor wei hadien ini da wiar poisa T. 5,99,999 napoh ka SBI Savings Account u.
Discussion about this post