Kwah ka KHADC wow phah du kawi ka rai hajrong i pynkylla ya ka Sixth Schedule

Shillong: U Chief Executive Member (CEM) ka KHADC, u Latiplang Kharkongor da ong u daw khut yalang u ya waroh ki MDC ka Council ha ka 16 tarik uni u bnai wow phah ya iwi i yumut cha u Chairman ka Parliamentary Standing Committee (PSC) ka Parliament, u Anand Sharma harong i pynkylla ya ka Sixth Schedule.

U Chairman yong ka PSC daw wan u ha ka nongbah Shillong ha ha ka 18 tarik uni u bnai wow chim ya ki yumut na ki seiñ ka jylla wa kynthup na ka sorkar wa na ki Autonomous District Council.

ADVERTISEMENT

Hawa klam ynne ka sngi, u Latiplang da ong u wa ka KHADC daw phah ko ya ki yumut katkam ka rai wa da chim lang ha ka dobar KHADC wa dadep ha u Khonchonglad (Dec) 2019.

Da ong u wa katkam ka rai yong ka KHADC daw phah ya i e yumut wow em 37 ngut ki MDC, napyrdi kini 35 ngut daw jied da ki paidbah katwa ar ngut won MDC daw thung wow kynthup ya kawi ka kynthai.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da ong u wa ka KHADC daw phah ko leh yei e yumut wow kyntait yei pynpsiah pyrtuid ya kiwi tawon ki jaitbru ri-loom ki wymtoh na ka jylla namo ki Unrepresented Tribe wow mihkhmat ha ki ADC.

U Kharkongor da pyntip u leh wa ynnin ka sngi da khut yalang leh ya ki dhab waphær waphær, nadooh ki seiñbhalang wa kynthup ya ka KSU, FKJGP, HNYF, MPLU wa ka Synjuk ki Rangbah Shnong ka Bri Hynniewtrep wow yaklam hajrong kani ka bynta.