Shillong: U Montri Rangbah ka Meghalaya, u Conrad K Sangma ynne ka sngi da pyntip u wa ka Coal India Limited ym slem de da pynlait noh ko wow lilam ya u mooyong wa 2 lak metric ton ha ka jylla, ya uwa da yoh bor da ka National Green Tribunal (NGT).
Hawa klam ynne ka sngi, u Conrad da ong wa da dep wow yaklam wa u Union Coal Minister la 10 sngi kattu, wei da thoh u leh da ka chithi cha u Montri ka sorkar pyrdi. Da pyntip u wa na ini i chimkhia yong u Montri, ka jylla da yoh bor ko wow lilam ya 2 lak metric ton kattu.
Hawa kylli hajrong i yakhih ki seiñ kiwa em ha East Jaiñtia Hills wow pyrchah ya i thmu pynpoi mooyong na Assam cha ki karkhana pynmih khyndaw-bilat, u Conrad da ong u wa sñiawthooh u ya i sñiwkhia yong kiwa chong chnong, tangwa hap wow bood won ya ki kyndon.
Da kyntu u ya kiwa yakhih wow sñiawthooh ki yei long i man, wei neiliang ka sorkar daw yaleh ko wow pynbait noh smat yei eh.
Hawa kylli chooh chooh, da ong u wa i tyngkheiñ yong kiwa yakhih yaka Lockdown deiwa yalang paidbah, u chong ko ha ki bor pynlai District wow chim yaki luti wow lai chakhmat.
Discussion about this post