15 49.0138 8.38624 1 0 4000 1 https://wyrta.com 300 0

Angnood u Banteidor wow pynyabi yaka thaaiñ Mawkynrew wa WJH da ka yingkeiñ na Nongjrong

0 Comments
Advertisement ad1

Shillong: U MLA ka Mawkynrew Constituency, u Banteidor Lyngdoh, uwa man leh u montri ka sorkar jylla uwa pait ya ka chnat Sports and Youth Affairs, Agriculture, Textiles da pynsñiaw u wa em i angnood wow pynyabi yaka thaaiñ Mawkynrew wa ka West Jaiñtia Hills District lyngba ka yingkieñ ha ka chnong Nongjrong.

Ya ini da ong u hawa klam ha ka yalang wai ya u moo-yurim wow sdang kreh noh yow pynbha ya ka sarok Jongksha- Kharang-Dienglieng-Nongjrong, kawa jrong 10 Km ha ka mang poisa wa T. 6 klur na ka Scheme hapoh ka Central Roads Fund yong u snem 2018-2019 ha Lad Kharang ynne ka sngi.

“Kawi wa nga angnood O toh wow em ka yingkeiñ wow pynyabi na chnong Nongjrong cha West Jaiñtia Hills District. Lada ye u pynmankaam ya ini, daw ku ka yoh ka kot neibhah ki warep ye ki wow lai dai maar rep, wow ya kahi pateiñ wei kamjooh ha ka liang ki kaam uiñ pyrthai”, da ong u deiwa pyntip leh wa daw thooh poisa yarap na ka World Bank.

Hajrong u sarok da ong u, “U sdang nadooh Lad Kharang chadooh Nongjrong wei daw man ko ka kyrkhu kawa khroo ya ki chnong kiwa em kamwa 8 tylli. Kani ka surok toh kawa ki paidbah chong chnong da ood ki da ki phaw snem”.

“Nga e khublei O ya ki sahep ka chnat PWD kiwa da chim khia wow pynmankaam yei angnood ki paidbah. Nga kwah O wa ki surok u man ki kiwa bha ha ka Constituency wei katni ha ka Constituency waroh kawi ki wakreh sarok da lai ki chakhmat na ki Scheme waphær waphær kiwa da jan poi cha ka T. 70 klur”, da ong u.

Kiwi de kiwa em haka yalang toh u Tenny Nengnong, Chief Engineer PMGSY, u Bruce P Marak, Chief Engineer (NH) PWD (Roads), Meghalaya, u David Pyngrope, Executive Engineer PWD (Roads) NH Shillong Bye-Pass Division.

0 Comments

Leave a Reply