Ar ngut kiwa leh thok heipor wa thoh ya ka Written Test ka Meghalaya Police | Yut uwi hadien wa pynjæd Admit Card

Ar ngut kiwa yaleh kreh ka Meghalaya Police da chah beh ki hadien wa chem wa leh thok ki heipor wa thoh ya ka Written Exam.

Ya uwi da chem ha ka 18 tarik uni u bnai uwa thoh ya ka Written Test yong i kreh USBI ha kawi ka Exam Centre wa em ha West Khasi Hills uwa em ya u Roll No. 11018783.

Deiwa leh kamni da tyngkheiñ u ya ki kyndon yaleh Exam kawa da booh thong wow man kawa khooid, kamtæ ya uni da khang wow chimbynta u ha kiwon kiwon ki jait kreh pulit wa daw khut pynman neini chakhmat wei yeiwa yaleh kreh u kattæ leh da chah pyndam noh i pyrtuid u.

Da pyntip leh wa lada uni kwah u wow yasaaid yei hok u, ye u wow thoh cha ka Central Recruitment Board ka Meghalaya Police lyngba u SP ka West Khasi Hills uwa man kam u Examination-in-Charge hapoh kani ka District.

Related posts

Khyrngiat u DC yei em 560 tylli ki kreh wa lait ha West Jaiñtia Hills District: HITO Jowai Circle

May 28, 2025

Pynhaap ka DMO ya ki chong Pnar chapoh ka West Karbi Anglong, lai paan pynche ka PSM

May 28, 2025

Uwi won da chem ha ka 25 tarik uni u bnai uwa thoh ya ka Written Test neibynta i kreh Un-Armed Branch Constable (UBC) ha ka Exam Centre wa em ha West Garo Hills uwa em ya u Roll No. 33025614.

Hawa yoo ya uni wa leh thok da yaklam wa oo yow pait ya ki kot ki sla u tangwa da pynjæd u ya ka Admit Card u wei da yut u na kani ka thaw, kamtæ ya uni u da khang wow embynta de u ha kani ka yaleh kreh kat wym pynmih hukum da kamwi.

Hanla kattæ leh dang e laad ya oo wow wan u chakhmat yow lai kyrpaad ya ka Central Recruitment Board ka Meghalaya Police deiwa phah dei thoh lyngba u SP ka West Garo Hills uwa man leh kam u Examination-In-Charge of Police Examination wa pynman ha West Garo Hills District hapoh 7 sngi wei lada ym leh yeini da kheiñ toh uwa da chah khang wow embynta de ha kani ka yaleh kreh pulit.