Ar sien chah pam u Raja na khlieh iwa ye u man da ka wait wa da thied na Guwahati

Katkam ka Post-Mortem Report, ki pulit da pyntip ki wa da chem wa u Raja Raghuvanshi da chah pam u da ka wait næ kynja wa nep na i bynta wa nadien i khlieh wa nei bynta wa nakhmat.

Ini i chah pynyap u Raja uwa man uwa khayi na Indore, Madhya Pradesh da pynkhihwin ko ya ka ri waroh kawi.

Katkam ka Post-Mortem Report da ong wa ini toh iwa da pynkhreh chwa wow leh wei yeini i kaam wow pynyap da leh heitu heitu wot. Katkam ka tyllong khubor, da ong wa da pynemkaam da ki tiar wa nep kawa ye u man da ka wait kawa da thied na Guwahati yow pynkut yei mynsien u Raja.

U Superintendent of Police ka East Khasi Hills, u Vivek Syiem da pyntikna u wa ki pulit da yoh sabut ki kiwa man ki yong ka Sonam kawa da suba wa emkti kam kawi kawa ya embynta wow sooh buit hajrong ini deilang wa u bru wa tip kam u Raj Singh Kushwaha wa kiwi.

Related posts

Lada emkti ka Sonam toh u pasi ka, ong u payu ko

June 9, 2025

Mih i Video wa pynyoo wym em kmen ka Sonam heipor wa bia wow Raja

June 9, 2025

I takit dang lai ko wei daw tip bniah manda wanrah ya kini cha Shillong deiwa takit da ka Special Investigation Team (SIT).

Kam wow pynkynmoo wa em soo ngut ki chynrang wa da chah kem heiwa le ngut toh kiwa da wan cha Sohra yow leh yei kaam katwa u Raj won ym em wan u.