Shillong: Ka MLA wa dang chah jied wot na Ampati Constituency, ka Miani D Shira kawa man leh ka khon u uwa yahkhmat ya ka liang pyrshah ha ka Yung Dorbar Chna aiñ, u Dr. Mukul Sangma ynne ka sngi da chim ko ya ki baamsmai kam ka dkhot kawa pura ka Yung Dorbar Chna Aiñ ka jylla.
Ya ka Miani da pynbaam smai da u lamphang ka Yung Dorbar Chna aiñ, u Dr. Donkupar Roy ha kamra krehkaam yong oo hei sakhi kiwa kitkaam ka Congress wa kynthup ya u Dr. Mukul Sangma, ka Dikkanchi D Shira wa kiwi kiwi.
Hadien i baamsmai, ka Miani da ong ko wa ka thong yong ka kam kawa mihkhmat toh wow kreh neibynta ki paidbah ka Ampati wei wow booddien ya ki kaam u pa ko, kiwa dang sahteiñ.
Da ong ko wa u pa yong ka, u Dr. Mukul da man u kam uwa mihkhmat ka Ampati ha i por wa kani ka Constituency dang sahdien bha ko wei katni da i kreh chitom yong oo ha ki 25 snem wa dadep kani ka Constituency da yoh ko yei roi i paar, wei da pynrap ko deiwa ong wa daw pteiñ ko ya kiwa da leh u Mukul ha kani ka Constituency.
Chwa wow smai, ya ka Miani da pynkup burom da ki MLA ka Congress ha yung sah yong u Dr. Mukul.
Discussion about this post