15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ki paidbah da dooh ki yei chaniah ya kani ka sorkar wa katni: Dr. Mukul Sangma

0 Comments
Advertisement ad1

Shillong: U Montri Rangbah warim ka jylla uwa man leh uwa yahkhmat ka Congress Legislature Party (CLP) u Dr. Mukul Sangma da ong u wa kani ka sorkar Meghalaya Democratic Alliance (MDA) da rem ko wow wanrah ya i suk i saiñ ha ka jylla.

Hawa klam wa kiwa pathai khubor ynne ka sngi hadien wa da wai ka yalang ka Congress Legislature Party, u Dr. Mukul da ong u, “I da sakhi yei man wei ym em u poipyrkhat wa kani ka sorkar ym ye ko wow pynneh yei chongsuk.”

Da ong u wa i suk iwa da wan ha kini ki snem wa dadep toh hadien wa da pynemkaam da i bor wa i buit. “Ym du wa i ye i u wanrah ya i chongsuk ha ki snem wa dadep wei da wanrah i leh ya ka synchaar ha ka jylla.”

Da ong u leh wa ini i jia da wanrah ko yei ktah kawa joor ya ka luti wow lai ka roi ka paar ha ka jylla.

“Ini ymtoh iwa bha ya ka mynried ka jylla. I kyntu i ya ka sorkar wow thung da ka Judicial Inquiry hajrong ini i jia ha thaiñ Motphran wei wow lai katkam ka aiñ wow wanrah biang ya i chongsuk,” da ong u Mukul.

Da pteiñ u deiwa ong wa wa man ko ka kamram yong ka sorkar jylla wow pynneh ya i suk i saiñ wei hawa thut ka chongsuk chongsaiñ toh wow pyntikna wow wanrah ya i suk, wut wut.

Hajrong wa ong u Montri Rangbah ka jylla, u Conrad Sangma wa em kiwa pynbiang poisa ya kiwa yakhih, u Mukul da ong u, “I ym em sñiaw i iyi iyi leh yeiwa ong u Montri Rangbah. Iwa yooluti i wa ka sorkar toh u pyntikna ko wow pynneh ya i suk. I kwah i wow yoo yeiwa man jai jai ka chnong ka thaw,” da ong u Dr. Mukul.

Da ong u leh wa ka Party ka kwah ko wow thung da ka Judicial Inquiry hajrong i dawa wow kyrriah ya ki bru wasah ha Themmator khnang wow mih i che yeiwa jia wei wow leh yeiwa emkaam.

Da kam u leh wa ki paidbah da dooh yei chaniah ya kani ka sorkar wei pait ki leh yeiwa bakla ha kani ka sorkar.

 

Advertisement ad1

0 Comments

Leave a Reply