Shillong: U Montri Rangbah ka jylla u Dr. Mukul Sangma da ong u wa i yakhih ka KSU wow chim da ki luti wow pynthut ya i suk i saiñ neibynta ka luti rel, yow pynyoo cha ka sorkar man i iwa bakla.
Da ong chooh chooh u wa i pyrchah ka KSU ya ka luti rel hajrong ka yurim wa daw wanrah ko yei ma ya ka jaitbru wa khian paaid neidaw wa daw joor i psiah ki baarjylla, u Dr. Mukul da ong u wa ini i sñiaw ymtoh du ha kawi donhi ka seiñ tangwa emkaam wow sñiawthooh ki wa ka sorkar jylla da kreh chitom ko wow pait yei psiah i mih ki baar-jylla, wei da em pynkhreh ya ka aiñ Resident and Safety Act kawa da lai cha khmat kamjooh yei pynkreh ya ki Entry wa Exit Point.
Da ong u leh wa waroh ini da leh neidaw wa tieñ ki sorkar nachwa wow leh yeiwa emkaam katwa ka sorkar yong oo da lai ko cha khmat wei da khut u leh ya ki dkhot ka KSU wow wan ki chakhmat wow yaklam neibhah ini wei kani ka luti rel ymtoh kawa nyngkong hapoh ka jylla. Ha Mendipathar kawa da poi ka rel da chem ya i jooh i pyrchah tangwa lada pait katni ym em ktah ko iyi iyi leh.
Da ong u leh wa waroh ki kaam pyrchah-aiñ wa leh ka KSU ymtoh kiwa biang iwa da leh ki seibhalang.
Discussion about this post