Shillong: Hadien wa mih khubor wa u HM Shangpliang, IAS da pynemkaam bakla u yei bor yong oo kam uwa kreh sorkar heiwa da lai embynta u ha ka yalang ka Congress ha Lawbah heiwa ha ka wi ka Video da sñiaw wa yaroh u ya ki dkhot ka Congress Unit ka Lawbah da mih boon wa beiñ yeini wa leh u.
U Shangpliang ksoh u ya kam u Secretary, GAD, Director, Social Welfare, Secretary to the Chief Adviser to the Government and Mission Director, National Health Mission and Insurance Scheme wei ympu em ieh kaam u.
Ka yalang toh kawa pynman ha ka 8 tarik uni u bnai wei u Shangpliang da sñiaw wa e khublei u ya ki dkhot thymme ka Lawbah Congress Committee.
Katkam ka kyndon ka All India Service (Conduct) Rules 1968 da ong wa ki IAS ymtoh u man ki kiwa yachah chilliang cha kawon kawon ka seiñ saiñ pyrthai. Katkam ka khubor paidbah da ong leh wa u Shangpliang da em u i thmu wow yaleh Election na ka Congress naka Constituency u CEM ka KHADC u PN Syiem.
Hei yatoh wa ini u State Vice President ka BJP Meghalaya Pradesh u J.A. Lyngdoh da dawa u naka sorkar jylla wow pyndooh noh ya waroh ki kaam wa ksoh u hapoh ka sorkar jylla wei ka sorkar ymtoh u yada ko ya oo wei ka BJP daw lai ko ki luti katkam ka aiñ yow pyntikna wa u Shangpliang ym chim kabu u ya i kyrdan yong oo yow yoh myntoi u.
[arve url=”https://www.youtube.com/watch?v=LAFOuIbIN4s” /]
Discussion about this post