Beiñ joor u HS Shylla ya u Lat Tathagata Roy wa man u pyrchah ya ki jaitbru ri-loom

Shillong: U CEM warim ka KHADC u HS Shylla da ong u wa uni u Lat ka jylla wa katni, u Tathagata Roy ym toh uwa biang wow chimkti kam u Lat ha kawon kawon ka jylla leh neibhah wa man u uwa yachah chilliang.

Hawa klam cha ki laad pathai khubor ynne ka sngi, u HS Shylla da ong u wa i pynslem u Lat ka jylla wow e muhor ya ka Meghalaya Residents Safety and Security Ordinance, 2019 toh neidaw wa em ka pyrchah da ki baar jylla kawa joor bha.

U Shylla da ong wa ya ka Ordinance ka MRSSA, ym em daw ya u Lat wow pynslem wot chi kynta leh. Da ong u wa lada yaklam ya ka Article 19 ka Sub-clause D wa E, kawa e hok ya kiwa chong chnong ya ki nong India wow chang cheiwon cheiwon, tangwa ka sorkar jylla ka embynta ko lyngba ka Article 19 ka Clause 5, kawa ong wa ka sorkar jylla ye ko wow pynkrehkaam ya ki aiñ wa chongnia hawa ka Supreme Court da burom ko ya kiwa khian paaid.

Da ong u wa lada ym em ka aiñ kawa pait ya kiwa heh paaid, ka jaitbru khian paaid daw wiar noh ki chisyndon, wei pynsñiaw u leh yei tieñ wa lada i wan tooid ki bru na baar u joor bha i, daw em i jia mih umsnam.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Chooh chooh u Shylla da ong wa ka ILP man ko ka tiar yaleh kawa ye sakhiat wow yada, katwa ka Sixth Schedule ym ye ko wow yada ya i wan tooid ki bru na baar.

(Feature Image-File Photo)