Beiñ ka Congress ya ka Agatha, daw yieñ pyrchah bait ya ka CAB

Shillong: Ka Congress Meghalaya da beiñ joor ko yaka NPP kawa chet kylla ya ki paidbah ka jylla wa ka thaaiñ Mihngi.

U Dr. Mukul Sangma da kynthah u ya ka NPP hadien wa ka MP ka Agatha K Sangma da pynsñiaw ko yei kyrchaan ya ka Citizenship Amendment Bill (CAB) hawa klam ko ha Parliament. Ka Agatha da dawa ko leh wow pynlait ya ka thaaiñ mihsngi na ka CAB.

U Dr. Mukul uwa man leh uwa yahkhmat yaka liang pyrchah da pynbaad u wa ka NPP da chet kylla ko ya ki paidbah ka jylla, deiwa dung nadien.

Ha i jooh i por, u Dr. Mukul da kyntait u wa ka Inner Line Permit (ILP) waka Sixth Schedule daw ye ki wow khang yei wan psiah ki bru na baar wei da ong u wa emkaam ki aiñ wa rap khlan yow pynkhor yei wan psiah ki bru wa na baar.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Da ong wa ka CAB daw wanrah ko yei maa ya ka thaaiñ North East wei daw phiah ko yaka ri. Ka Congress daw yieñ wow pyrchah yaka wei da pynrem joor u yaka NPP kawa chet kylla ya ki paidbah ka jylla. Da kylli u katwon ngut wei kiyi wow yoh myntoi naka CAB.

Da pynbna u wa ka Congress daw pynman ko yaka yakhih mynstep ka sngi deiwa lai paidbah na Madan Iewrynghep cha pchem ka Additional Secretariat yow pyrchah ya ka CAB.