Hadien wa pynmih khubor ka seiñ Jaiñtia Hills Truck Owner Association wa ka East Jaiñtia Hills Truck Owner and Transporter Association wow pynsñiaw yei dooh nong nei wym chah ya ki Truck yong ki u kit Cement wa Clinker kattu la chi tayaaw tam neidaw wa pynman yakhih ka Meghalaya Commercial Truck Owner and Driver Association ha u sarok National Highway, kamtæ neiliang ki dkhot ka MCTODA won hawa pynche yeini da beiñ ki yeini deiwa ong, ka khubor wa pynmih ki toh yong samen ar ngut donhi ymtoh da ka sur yong ki paidbah wa boon kam ki tre Truck wa kiwa yah Truck.
Wei em ki ha ka liang yow myntoi samen wa kattu katni ngut donhi kiwa man dkhot hapoh ka seiñ ki, katwa ki paidbah wa boon wa lang won kiwa man kam ki tre Truck wa kiwa yah Truck em ki ha ka seiñ MCTODA.
Heijooh i por leh ong ki wa man ki kam kiwa pynchah pyrtuid donhi ha ki Company Cement, wei kam kiwa dai slip donhi, ymtoh kiwa khih neibynta u ya imlang kiwa boon wa lang kam ki tre Truck wa kiwa yah trok.
Ka seiñ MCTODA lyngba u Smenlang Kyndait uwa man kam u Adviser ka Jaintiñ Unit ka MCTODA da khana u wa ki hi kam ki tre Truck wa kiwa yah Truck ym em de yoh khih yoh khan ki neibhah ki Company Cement leh kat nang mih ki sngi da nang thied chooh chooh ki ya ki kari mator yong ki, kamtæ ym yohsa de ki wow chim pynman da kani ka yakhih.
Chooh chooh khana ki wa jynjar bha ki u yoh kit Load ha ki Company Cement katwa ki kari yong ki Company won mar ya poi mar ya yoh Trip ki.
Wei lada kyruiñ ki cha Bangladesh leh ym em khih de kamtæ sñiaw ki sa du i eh bait.
Da kyrpaad ki leh ya ki 7 MLA napoh Jaiñtia Hills wow yoo wyrai ya ki kam kiwa yah Truck ki tre Truck kiwa hap mih chah thngan neidaw wym yoh khih de.
Discussion about this post