Ka Shillong Press Club (SPC) da ong ko wa sa chisien da sñiaw biang yeiwa klam uwa jooh man kam u bru wa kreh seiñbhalang wei katni uwa da man kam u MLA, u Ardent Miller Basaiawmoit uwa da pynbood naam ya kiwa thoh khubor wa em hapoh ka jylla khamtam kiwa na thaaiñ Khasi wa Jaiñtia.
Ka SPC da ong ko wa u Ardent da klam u khlem yurim, khlem sabut du wow beiñ ya kiwa thoh khubor wot hapyrdi wa kreh chitom ki wow pynmih khubor yow pyntikna wa waroh yoh ki yei hok u klam katkam wa da pynkit da ka riti synchaar ka ri kamjooh ki kyndon aiñ.
Ka SPC da pynkynmoo ko wa ini ymtoh i sien wa nyngkong wa u Ardent da klam u kam ini i rukom iwa du oo donhi wa tip yei daw ya kitu wym em bood yei rukom pyrkhat u næ ki wym em wa yaroh ya oo.
Neiliang ka Shillong Press Club da beiñ ko yeini i rukom klam kulmar da u bru wa em kyrdan haka imlang sahlang wei lada kamni bha noh u Boycott ya ki laad pathai khubor yow lait u wow sñiaw da i wym sñiawsuk u kamjooh ya ka Party u katwa dang pyrchang ki wow e yei chakri wa bha tam ya kiwa chong chnong ka Meghalaya.
Da ong leh wa lada phah paan maap na uni u bru wa stat wa chemphang man ko du wow pynlut por pynlut bor pyrkhat, kamtæ ka Shillong Press Club ieh ko hei stat ki paidbah wow pyrkhat kiwon kitæ kiwa da biang bait hei manbru.
I beiñ i kynthah wa da leh hei rukom wa bha toh kiwa yarap ya kiwon kiwon wow pynbha ki ya idæ, tangwa u batai bait ya ki kaam wym tip ymtoh ka luti wow chakri paidbah.
Da pynkut deiwa ong wa toh u kynmoo wa kiwa bichaar dei wym khooid daw chah bichaar kylla ki ha kawi ka sngi.
Discussion about this post