Ka Village Water and Sanitation Committee (VWSC) Nangbah da pynche ko heiyatoh wa ka Wyrta wa mih ynne ka sngi wa ong “Pynbaad ka HNYF wa duna i kreh ya ka Scheme JJM ha Nangbah” wa da phah da u Dawan Symblai, u General Secretary ka HNYF Jaiñtia Zone.
Neiliang ka VWSC da ong ko wa ini i pynbaad ka HNYF toh iwa khlem yurim wei iwa yahbakla ya ka imlang sahlang.
Ka VWSC da ong ko wa ka toh kawa pait ya i bha i miat, i khooid i jngiar hapoh ka chong Nangbah, wei sñiawphylla ko yei pynbaad ka HNYF, neibhah ha ka 21-11-24 ki dkhot ka seiñ ryngkat u SDO, Contractor wa ki dkhot ka VWSC Nangbah da lai pait lai sylli næ Inspect ki ya i kreh ha ka Scheme um JJM ha Nangbah hadien wa kyrpaad ki dkhot ka HNYF.
Chooh chooh ka VWSC da ong ko wa ha katai ka sngi kini ki dkhot ym chem ki yeiwa duna næ bakla neibhah hawa yaklam wa ki ymye ki wow kdaw ya iwon iwon i duna kamtæ ym em pynbaad ki katwa em ha katu ka sngi hawa dang emlang ki dkhot na waroh ki liang, wei ini klam che i wym em i bakla næ duna heipor Inspection.
Ka VWSC da ong ko leh wa hadien kattu katni sngi uwi na ki dkhot yong ka seiñ (HNYF) uwa pyrtuid kam u W. Talang (katkam ka Truecaller) da Phone u ya u Contractor wei hawa yaklam, uni u dkhot wa kiwi ki dkhot ka seiñ da kwah ki wow yachem wa u Contractor tangwa ym em yachem kat hadooh wa pynmih ya kani ka Wyrta.
Heijooh i por ka VWSC Nangbah da ong ko leh wa hawa chong Committee ko heiyatoh wa ini i bynta da chem ko wa ini i pynbaad ka HNYF toh iwa khlem yurim deiwa beiñ joor leh yeiwa leh kani ka seiñ iwa man iwa bakla.
Da ong ko leh wa kam ka Committee sñiawthooh ko wa kwah kini ki dkhot ka HNYF ymtoh iwa bha, yoosar lakam wa em iyi iyi cha lyndet.
Kani toh ka Wyrta na u T. Iongwai, Chairman wa u P. Susngi u Secretary ka VWSC.
Puræ leh: Pynbaad ka HNYF wa duna i kreh ya ka Scheme JJM ha Nangbah
Discussion about this post