U Chief Minister ka jylla, u Conrad K. Sangma da beiñ joor u yei chah thombor u Pastor Bipin Bihari Naik ha Odisha deiwa ong ini i jia da ktah i yei hok manbru katkam ka riti synchaar ka ri.
Kam wow kdaw heini, uni u Pastor da chah dat, da pynbaam ya oo dei ait masi, da pyndaiñ ya oo da ki slipar ha ki bru chit niam ka Odisha iwa da chah beiñ ha kylleiñ.
Neiliang ka National People’s Party (NPP) leh da kyntu ko ya u Chief Minister ka Odisha, u Mohan Charan Majhi wow chimkhia yeini deiwa phah ka chithi wa soi da u National Working President, u James K. Sangma uwa da sñiawkhia yeiwa jia chah thombor ha Dhenkanal District ha ka 4 tarik u January iwa da daisarom ya u Pastor Naik.
Ha ka chithi u James da ong u wa ini da pynhiar dor i ya ka ri India waroh kawi iwa da man pyrchah ya ka riti synchaar kamjooh i hok wow mane Blai deiwa laitlooid.
Discussion about this post