U Governor ka Manipur, u Ajay Kumar Bhalla da ong u wa i chah siat yap uwi u Meitei wa tip kam u Mayanglambam Rishikanta Singh u takit yeini da ka National Investigation Agency (NIA) khnang wa ka takit u man ko kawa khooid.
Ini wan i hadien wa ka Joint Action Committee, wa yahkhmat da u MP ka Lok Sabha, u Dr. Angomcha Bimol Akoijam wa ki MLA, u Thokchom Lokeshwar Singh wa u Kangujam Ranjit Singh da yachem ki ya u Governor heiyatoh wa ini i jia.
Ha ini i yachem da emlang kiwa ha-yung yong u Singh kiwa da dawa wow pynchitom ya kiwa siat yap ya oo.
Neiliang u Governor da sñiawkhia u yeini wa yap u Singh wei da pynbna u wa i takit ya ini iwa jia u e kti ha ka NIA.
Katkam ka dorkhat wa da e ha u Governor, da ong wa u Singh da chah rahbor u wei da chah siat yap u ha ki damok kieñ suloi na ka jaitbru Kuki ha Churachandpur District.
Discussion about this post