• About Us
  • Contact Us
  • Privacy Policy
  • Advertise With Us
  • Terms & Conditions
Friday, July 18, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home News

Bichaar ka HC ya ka PIL heiyatoh wa i e ST Certificate cha kiwa chim dei kur u pa

Wyrta Staff by Wyrta Staff
June 27, 2025
Reading Time: 4 mins read
A A
0
Share on FacebookShare on Twitter
ADVERTISEMENT

Ka Meghalaya High Court ynne da pdiang ko ya ka PIL wa da yaleh da ka Syngkhong Rympei Thymmai (SRT) hei chong bichaar u Justice I.P. Mukerji, Chief Justice wa u W. Diengdoh, Judge.

Ka yung bichaar da ong ko wa kani ka PIL toh kawa emkaam neibhah ka rukom kheiñ ha ki Khasi katkam ka riti dustur toh lyngba ka bei (Matriarchal Tradition) wei hapoh ki Article 244 (2) wa 275 (1) ka Constitution ka ri India wei hapoh ka Sixth Schedule da e ya ka Special Status neibynta i hok ki Scheduled Tribe heiwa yeini da kynthup leh ya ka Meghalaya wa em ki Khasi kam kiwi na kiwa heh paaid wei hapoh ka Sixth Schedule da chah wow em ki District Council wa ki Regional Council yow e bor ya ki wow synchaar heiyatoh wa ki kaam wa yatoh wa ki Tribal.

ADVERTISEMENT

Neiliang kiwa yaleh PIL da yaleh ki hajrong ka yurim i e Scheduled Tribe Certificate da ka Social Welfare Department. Heiwa ha ka 21-07-2020 ka Deputy Commissioner ka East Khasi Hills da phah wow bood yeiwa ong ka District Council Affairs Department wa ka Lineage Act, 1997 ym em khang ko wow e Scheduled Tribe Certificate cha kitu kiwa chim dei kur u pa næ dei yong ka bei wei kamjooh ki kynthai ki wym toh ki Khasi kiwa chim dei kur u kurim Khasi ki.

Tangwa ha ka 21-05-24, ka Social Welfare Department da pyndam noh ko ya ka chithi kawa da pynmih ko ha ka 21-07-20 wei da phah wow sangeh wow e ya kini ki Certificate cha kiwa chim dei kur u pa.

Related posts

Sepai i wan u Sniawbhalang wa hadooh katni ym pu yoh u thung kba, ong kiwa chong chnong ka Lapangap

July 18, 2025

U paan biang ya ka Block-I wa Block-II na ka Assam yow em biang ki chapoh Meghalaya: Prestone

July 18, 2025

Ka yung bichaar da ong ko wa katkam ka aiñ Khasi Hills Autonomous District (Khasi Social Custom of LIneage) Act. 1997, krehkaam ko neibynta waroh ki Khasi wa em ha Khasi Hills wei hapoh ka Section 2(h) da batai kiyi ki kitæ ki “Khasi” wei ha ka Section 3 won da ong wa manda ka bei wa u pa toh ki Khasi da kheiñ leh yei khon kam i Khasi wei ya kiwa man da kamwi da batai yeini leh hapoh kani ka Section katwa ka ha Section 5 da batai kammon u leh yow Register yow yoh ya ka Khasi Tribe Certificate.

Kamtæ ka High Court da ong ko wa kwah ko wow sñiawthooh lada jied dei kur u pa næ dei yong ka bei heiwon i rukom u ktah ko yei yoh ya ka Tribe Certificate, hajrong ini da pdiang ya kani ka PIL.

Da phah leh ya ka District Council Affairs Department wow e jubab ko heiyatoh wa ini khamtam ya kitu kiwa jied dei kur u pa wa kitu ki kynthai ki wymtoh ki Khasi kiwa yoh kurim da u Khasi heiwa da chim ki leh da i kur u kurim ki.

Ya kani ka PIL u chong bichaar biang ha u bnai wow wan.

ShareTweetSendShare
Previous Post

Nadooh ka 10 tarik sdang ki Karbi wow tyngkheiñ ya ka Status Quo

Next Post

U ong ki MDC wa thymme wa dang sdang wei ym pu em chemphang toh i wym ye u pdiang: Paul

Related Posts

News

Sepai i wan u Sniawbhalang wa hadooh katni ym pu yoh u thung kba, ong kiwa chong chnong ka Lapangap

July 18, 2025
News

U paan biang ya ka Block-I wa Block-II na ka Assam yow em biang ki chapoh Meghalaya: Prestone

July 18, 2025
News

Chah ieh u manpa wa 80 snem hapoh kari ha ki khon ki kti wa lai pait Taj Mahal

July 18, 2025
News

Pynkhreh yakhih biang ki Muster Roll hadien wym su ka sorkar ya kawa dang sah nadooh u 2023

July 18, 2025
Next Post

U ong ki MDC wa thymme wa dang sdang wei ym pu em chemphang toh i wym ye u pdiang: Paul

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar