15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Booh Moo-nongrim u Kiren Rijiju ha Dawki wow chna ya ka Integrated Check Post

0 Comments
Advertisement ad1
Advertisement ad1

Jowai : U Union Minister of State for Home Affairs, u Kiren Rijiju ynne da booh moo-nongrim u wow chna Integrated Check Post (ICP) ha Dawki, West Jaiñtia Hills District, Meghalaya hei emlang u Member of Parliament, Lok Sabha, u Vincent H. Pala, u Home Minister ka jylla u H.D.R. Lyngdoh wa kiwi kiwi.

Kani ka Integrated Check Post (ICP) toh ka wow chna da ka Land Ports Authority of India ha i thaw wa heh kamwa 22 acre. Kani ka ICP da chna wow pynsuk ya ka khayi pateiñ kamjooh i lai i wan ki paidbah cha chilliang ka ri Bangladesh wei da booh thong wow pyndep ha u Naisaphra (August), 2018.

Hei klam ha kani ka sngi u Rijiju da ong u wa i em kani ka thaw toh wow pynku ya ka khayi pateiñ kawa yajan wa ka ri Bangladesh. Da ong u leh wa neidaw ka thaiñ Northeast jngai ko na kiwa boon ki bynta ka ri India hadooh 95% ki pood yong ki da em ki wa kiwi tawan ki ri, kamtæ emkaam u wai ya ka khayi pateiñ wa kiwi ki ri yow yoh khih yoh khan ki bru kamjooh leh yow biang i ya sniawthooh yumut wa kini ki ri.

Kiwi kiwa da e klam ha kani ka sngi toh u MP ka Shillong, u Vincent H. Pala, u High Commissioner of India ha Bangladesh, u H. V. Shringla, u Home Minister ka jylla u H.D.R. Lyngdoh wa ki heh yong ka Land Ports Authority of India.

Share this:
Previous

Cha ka sngi wa ar i chah thngan wa khlem booh por yow pynneh ya u DC ka WJH

Next

Sdang ka 3rd Inivitation Knockout Tennis Ball Cricket Tournament 2017