Booh mooyurim u Conrad yow chna pymiat noh ya ka JN Sports Complex

U Montri Rangbah ka jylla, u Conrad K Sangma ynne ka sngi da booh mooyurim u yow pynku kyrdan ya ka J N Sports Complex, Shillong ha ka yalang wa da pynman ha ka Sports Complex hi deiwa emlang u Montri ka chnat Sports & Youth Affairs, u Banteidor Lyngdoh wa u Montri ka chnat C&RD, u Hamlet Dohling.

U Montri Rangbah hawa e yei klam da ong u wa ini toh iwa da sahteiñ da slem wei hadien kamwa 30 snem daw yoh noh u chnat pynmiat ya ka Stadium. “Ini i pynchna pynku kyrdan ya ka J N Sports Complex deiwa booh lang waka Indoor Stadium toh kawa yarap poisa da ka NDB (New Development Bank), ka P A Sangma Sports Complex ha Tura deilang wa ka Outdoor wa Indoor Stadium, ka Sports Complex ha Wahiajer wa kiwi ki kreh ha waroh kawi ka jylla da poi ko palat 400 klur wei ini da man ko i pynlut poisa neibynta ki khynroo khyllood wa kiwa yalehke ka jylla.” Da pyntip u leh wa ka Sports Complex daw em ko leh kiwi ki jait kiwa emkaam u em yow yarap ya ki khynroo. Da khana u leh da em ki kaam wa da pynkhreh neibynta ki khynroo kiwa daw man leh kam chibynta i lehkmen yei dap 50 snem ka jylla.

U Montri Rangbah da ong u leh wa emkaam wow yahluti ya ki khynroo ha ka luti wa biang. “Suk bha ya ki khynroo wow chah yah luti bakla ki cha ki kaam wym bha wym miat kamtæ emkaam ya ka sorkar wow pynbiang ko ya iwa emkaam ki khynroo.” Chooh chooh da ong u wa ka State Sports Policy kawa da sahteiñ neidaw wa em ka khlam COVID-19, daw sdang pyntyllung manda miat i long i man. Da pyntip u leh wa ka State Youth Policy daw man ko kam uwi na ki chrot ya ka imlang sahlang kawa ka sorkar da dep ko wow chna dei miat bha.

U Montri Rangbah da kyntu u ya ki khynroo wa kitu kiwa em yei thrang wow yalehke wym toh u jied ya ka Sports kam wow lehke donhi. “Ka Sports emkaam ko wow man ki bru wa ryntih, kiwa kreh chitom, kiwa hap wow maad yei rem, kiwa ye u ya krehlang yow ye u pynwan dur ya ki yow man ki kiwa jop.”

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka sngi da em leh i pynyoo rong ya ki 7 tylli ki jait yalehke heiwa da emlang leh u Commissioner & Secretary, Sports & Youth Affairs, u Dr. Vijay Kumar, ka Secretary, Information & Public Relations, ka M. War Nongbri waka Director, Sports & Youth Affairs, ka W. Booth.